කොමඩ් එක ෆ්ලස් කරන්න බට්න් දෙකක් තියෙන්නේ ඇයි
- Get link
- X
- Other Apps
මේක හරිම රසවත් ඒ වගේම පරිසරයට හිතකාමී විද්යාත්මක හේතුවක් තියෙන දෙයක්. ඉතින් ලෝකයේ බොහෝ පිරිසක් තවමත් නොදන්නා අපි නිතරම දකින මේ බට්න් දෙකේ රහස අද විශ්ම ලෝකයෙන් අපි ඔබට ඉතාම සරලව කියලා දෙන්නම්. මේකට කියන්නේ "Dual Flush System" එහෙම නැත්තම් ද්විත්ව ෆ්ලෂ් පද්ධතිය කියලා.
මේ විදියට කොමඩ් එකක බට්න් දෙකක් තියෙන්නේ ප්රධාන වශයෙන්ම නිවසේ වතුර ඉතිරි කිරීම සදහායි. ඔබ දන්නවනේ, අපේ ශරීරයෙන් පිටවන අපද්රව්ය (Waste) වර්ග දෙකක් තියෙනවා කියලා. දියර අපද්රව්ය සහ ඝන අපද්රව්ය. මේ වර්ග දෙකම බැහැර කරන්න එකම වතුර ප්රමාණයක් අවශ්ය වෙන්නේ නැහැ..
කොමඩ් එකේ තියෙන පොඩි බට්න් එක එබුවම , සාමාන්යයෙන් වතුර ලීටර් 3ක් විතරයි මුදා හරින්නේ. මේක පාවිච්චි කරන්නේ දියර අපද්රව්ය (මූත්රා) ඉවත් කරන්න විතරයි.
කොමඩ් එකේ ලොකු බට්න් එක එබුවම, කෙලින්ම වතුර ලීටර් 6ක් හෝ ඊට වැඩි ප්රමාණයක් මුදා හරිනවා. මේක පාවිච්චි කරන්නේ ඝන අපද්රව්ය ඉවත් කරන්නයි.
මේක හරියට ඔයාගේ අතේ තියෙන පොඩි කුණු පැල්ලමක් හෝදන්න වතුර වීදුරුවක් පාවිච්චි කරනවා වගේ වැඩක්. හැබැයි අතේ ලොකු මඩ ගොඩක් ගෑවුණොත්, ඒක හෝදන්න වතුර බාල්දියක්ම ඕන වෙනවා නේද? අතේ තියෙන්නේ පොඩි පැල්ලමක් නම්, බාල්දියක්ම වතුර නාස්ති කරන එක අපරාධයක්නේ. අන්න ඒ වගේ තමයි මේ බට්න් දෙකත්.
ඉතින් ඔබ මේ ගැන දැනුවත් වෙලා , නිවරැදී විදියට කොමඩ් එකේ බට්න් ප්රෙස් කරලා වතුර පාවිච්චි කරොත් ගෙදරකට ලැබෙන ප්රයෝජන කීපයක් තියෙනවා
මේ ක්රමය නිසා සාමාන්ය පවුලකට වසරකට වතුර ලීටර් දහස් ගණනක් ඉතිරි කරගන්න පුළුවන්. අපේ ගෙවල්වල වැඩිපුරම වතුර නාස්ති වෙන්නේ නෑමට හෝ රෙදි සේදීමට නෙවෙයි, මේ කොමඩ් එකේ ෆ්ලෂ් එකටයි. සාමාන්යයෙන් නිවසක පාවිච්චි කරන වතුරෙන් 25%-30% අතර ප්රමාණයක් වැය වෙන්නේ වැසිකිළිය වෙනුවෙන්.
හිතන්න , දවසකට එක් පුද්ගලයෙක් සාමාන්යයෙන් 5 වතාවක් විතර වැසිකිළිය පාවිච්චි කරනවා නම්, හැම වතාවකම ලීටර් 6-9ක් යන ලොකු බට්න් එකම එබුවොත් දවසකට ලීටර් 45ක් විතර වැය වෙනවා. හැමෝම පොඩි බට්න් එක නිවැරදිව පාවිච්චි කළොත් ඒක ලීටර් 20කට විතර අඩු කරගන්න පුළුවන්.
ඉතින් හතර දෙනෙක් ඉන්න පවුලක හැමෝම මේ විදිහට බට්න් දෙක මාරුවෙන් මාරුවට පාවිච්චි කළොත්, වසරකට වතුර ලීටර් 20,000කට වඩා ඉතිරි කරගන්න පුළුවන්. ඒක හරියට වතුර බෝතල් දහස් ගණනක් ඉතිරි කළා වගේ වැඩක්!
වතුර බිල අඩු වෙන නිසා ඔයාගේ පසුම්බියටත් ඒක වාසියක්. ඒ වගේම වතුර කියන්නේ ලෝකේ තියෙන වටිනාම සම්පතක් නිසා, අවශ්ය ප්රමාණයට විතරක් වතුර පාවිච්චි කිරීම පරිසරයට ලොකු උදව්වක්.
ඉතින් ඊළඟ පාර කොමඩ් එක පාවිච්චි කරද්දී, අවශ්යතාවය අනුව නිවැරදි බට්න් එක ඔබන්න අමතක කරන්න එපා!
සමාජ මාධ්ය ඇසුරෙන්
- Get link
- X
- Other Apps

Comments
Post a Comment