අපි කොමඩු ගෙඩියක් වෙළඳපොළෙන් මිලදී ගනිද්දී හෝ ගෙදරදී කපද්දී මුලින්ම බලන්නේ එහි ඇති තද රතු පාට දෙසයි. තද රතු පාටින් යුක්ත වීම කොමඩු ගෙඩිය හොඳින් පැසී ඇති බවට කදිම සාක්ෂියක් වුණත්, එය 100%ක්ම නිවැරදිව ඉදුණු බව තහවුරු කරගන්න පුළුවන් හොඳම ක්රමය තමයි එහි ඇති ඇට තද කළු හෝ තද දුඹුරු පාටද කියා සොයා බැලීම.
බොහෝ දෙනෙක් කොමඩු කන කොට එහි ඇති ඇට ටික ඉවත් කරලා විසි කරන්න පුරුදු වෙලා ඉන්නවා. නමුත් ඔබ දන්නවාද? අපි කුණු කූඩයට දාන ඒ පුංචි කොමඩු ඇටය කියන්නේ ඇත්තටම මහා පරිමාණයේ ගුණ පිරිච්ච "බෙහෙත් ගබඩාවක්" කියලා.
වෛද්ය විද්යාත්මකව සහ පෝෂණවේදීන් පෙන්වා දෙන ආකාරයට කොමඩු මදයටත් වඩා ඉහළ පෝෂණ ගුණයක් සහ සුවිශේෂී සෞඛ්ය ප්රතිලාභ රැසක් මේ ඇට සතු වෙනවා.
කොමඩු ඇට අපේ ශරීරයට මෙතරම් ගුණදායක වෙන්න ප්රධානතම හේතුව එහි අඩංගු අත්යවශ්ය පෝෂ්ය පදාර්ථයන් ප්රමාණයයි. ශරීරයේ නීරෝගීභාවයට වැදගත් වන කරුණු කිහිපයක් මෙන්න
ප්රෝටීන් සහ ඇමයිනෝ අම්ල:
ශරීරයේ පටක අලුත්වැඩියාවට සහ මාංශ පේශි වර්ධනයට අවශ්ය ඉහළ ප්රෝටීන් ප්රතිශතයක් මෙහි අඩංගුයි.
මැග්නීසියම් බහුල වීම:
හෘදයේ ක්රියාකාරිත්වය ක්රමවත් කිරීමට, රුධිර පීඩනය පාලනය කිරීමට සහ ස්නායු පද්ධතියේ නීරෝගීභාවයට මැග්නීසියම් අත්යවශ්ය වන අතර කොමඩු ඇට මඟින් එය හොඳින් ලබාගත හැකියි.
සින්ක් (Zinc) සහ යකඩ:
ප්රතිශක්තිකරණ පද්ධතිය ශක්තිමත් කිරීමට සින්ක් ද, රක්තහීනතාවය වළක්වා රුධිර නිෂ්පාදනය වැඩි කිරීමට යකඩ ද උපකාරී වේ.
සෞඛ්යයට හිතකර මේදය: ශරීරයට අහිතකර කොලෙස්ටරෝල් මට්ටම අඩු කරන මොනොනැන්සැචුරේටඩ් සහ පොලිඅන්සැචුරේටඩ් වැනි හොඳ මේද අම්ල මෙහි අඩංගු වේ.
මේ සුවිශේෂී පෝෂක කොටස් නිසා කොමඩු ඇට නිතිපතා ආහාරයට ගැනීමෙන් අපේ ලෙඩ රෝග රැසක් සුව කරගන්න පුළුවන්. විශේෂයෙන්ම රුධිරයේ සීනි මට්ටම පාලනය කිරීමට සමත් සංයෝග මෙහි ඇති බැවින් දියවැඩියා රෝගීන්ට මෙය ඉතා ගුණදායක ඖෂධයක් වැනියි.
මීට අමතරව, මෙහි අඩංගු ප්රතිඔක්සිකාරක (Antioxidants) මඟින් සම රැලි වැටීම වළක්වා, සම පැහැපත් කර තරුණ පෙනුම රැක දෙනවා වගේම කෙස් කළඹ ශක්තිමත් කර හිසකෙස් ගැලවී යාමද පාලනය කරනවා.
බොහෝ දෙනෙකුට තියෙන ගැටලුවක් තමයි මේ තද කොමඩු ඇට ආහාරයට ගන්නේ කොහොමද කියන එක. කොමඩු කන ගමන්ම ඇට හපලා කන්න පුළුවන් නම් වඩාත්ම හොඳයි. එහෙම නැත්නම්, කොමඩු ඇට ටික එකතු කරලා, සෝදලා, අව්වේ වේලලා, පසුව කබලේ බැදලා (Roasted) රසවත් ස්නැක් (Snack) එකක් විදිහට කන්න පුළුවන්. තවත් ක්රමයක් තමයි මේවා කුඩු කරලා සුප් වර්ග වලට, සලාද වලට හෝ ස්මූති (Smoothie) බීම වර්ග වලට එකතු කර ගැනීම.
සමාජ මාධ්ය ඇසුරෙන්
Comments
Post a Comment