කොණ්ඩේ තද කරලා බඳිනකොට, එක එක ජාතියේ රසායනික දේවල් ගානකොට, හෙයාර් ස්ටයිල් කරනකොට ඉස්සරහින් තියෙන බේබි හෙයාර්ස් ටික යන්න ගත්තම මූණේ හැඩයත් සම්පූර්ණයෙන්ම වෙනස් වෙනවා නේද...
කිසිම රසායනිකයක් නැතුව, අපේ ගෙදර තියෙන දේවල් වලින්ම ගියපු කොණ්ඩේ ආයේ වවාගෙන ලස්සන පිරුණු නළල් තලයක් ලබාගන්න පුළුවන් මේ වටිනා රහස දන්නේ කීයෙන් කීදෙනාද...
නළල ඉස්සරහ හිසකෙස් වර්ධනය කරන රතු ලූනු සහ එඬරු තෙල් (Castor Oil) සත්කාරය..
මේකත් ඔයාට ගෙදරදීම කිසිම වියදමක් නැතුව කරගන්න පුළුවන්. සති කිහිපයක් දිගටම කරද්දී අලුතින් බේබි හෙයාර්ස් ඇවිත් නළල පිරිලා යනවා ඔයාටම බලාගන්න පුළුවන්.
අවශ්ය දේවල්...
1... නැවුම් රතු ලූනු
2... එඬරු තෙල් (Castor Oil) සහ පිරිසිදු පොල් තෙල්
පළමුව මේ සත්කාරය සකසා ගැනීමයි....
හොඳින් සුද්ද කරගත්තු රතු ලූනු ගෙඩි 3-4ක් අරගෙන හොඳට කොටලා හරි බ්ලෙන්ඩ් කරලා හරි ඒකෙන් යුෂ මේස හැන්දක් විතර පෙරාගන්න. ඒකට එඬරු තෙල් තේ හැන්දකුයි, පිරිසිදු පොල් තෙල් තේ හැන්දකුයි එකතු කරලා හොඳට කලවම් කරන්න.
(එඬරු තෙල් ගොඩක් උකු වැඩි නිසා තමයි අපි මේකට පොල් තෙල් ටිකකුත් එකතු කරගන්නේ).
දෙවනුව ආලේප කර සම්බාහනය කිරීමයි...
මේ හදාගත්තු තෙල් මිශ්රණය පුළුන් කෑල්ලක් පාවිච්චි කරලා නළල ඉස්සරහ කොණ්ඩේ ගියපු තැන් වල (Hairline එකේ) හොඳින් ගාලා, විනාඩි 5ක් විතර හිමීට ඇඟිලි තුඩු වලින් රවුමාකාරව පිරිමදින්න.
ඊට පස්සේ පැය භාගයක් හරි පැයක් හරි මේක සමට උරාගන්න ඇරලා සාමාන්ය විදිහට මෘදු ෂැම්පු එකක් පාවිච්චි කරලා හෝදලා අරින්න. සතියට දවස් 3ක් වත් මේ සත්කාරය කරන්න.
ඇයි මේ සත්කාරය හිසකෙස් වලට මෙච්චර ගුණ?
රතු ලූනු යුෂ වල තියෙන සල්ෆර් මගින් හිස්කබලේ ලේ ගමනාගමනය වැඩි කරලා කොලජන් නිපදවීම වේගවත් කරනවා. එඬරු තෙල් වල තියෙන රයිසිනොලෙයික් අම්ලය මගින් කෙස් මුල් වලට අවශ්ය පෝෂණය දීලා, ඉක්මනින් වැටෙන තුනී කෙස් ගස් ශක්තිමත් කරලා ඝන කරනවා...
අවවාදයයි..
කොණ්ඩේ පෝනිටේල් දාලා පිටිපස්සට තද කරලා බඳින්න එපා, ඒකෙන් ඉස්සරහ කොණ්ඩේ තවත් ඇදිලා මුලින්ම ගැලවිලා යනවා ලූනු යුෂ ගාන නිසා සමහරවිට පොඩි දැවිල්ලක් එන්න පුළුවන්, ඒක සාමාන්යයි.
හැබැයි ඔයාට ගොඩක්ම සංවේදී සමක් තියෙනවා නම් කෝකටත් කනේ පිටිපස්සේ ටිකක් ගාලා බලලා ඉන්න එක වඩාත් හොඳයි.
දේශීය දේවල් පාවිච්චි කරලා අතුරු ආබාධ නැතුව කෘතිම සත්කාර වලට සමුදෙන්න. නළල ලොකු කරපු හිස්තැන් පිරිලා, අලුතින් ලස්සනට බේබි හෙයාර්ස් හැදෙද්දී ඔයාටම පුදුම හිතෙයි...
සමාජ මාධ්ය ඇසුරෙන්
Comments
Post a Comment