සොසේජස්, මීට් බෝල්ස් දරුවාට කන්න දෙන අම්මලා මේක දැක්කොත් ආයේ කවදාවත් දෙන එකක් නෑ..


 උදේට ඉස්කෝලේ යන්න හදිස්සි වෙලාවට පොඩි එකාගේ බත් පෙට්ටියට ලේසියෙන්ම හදලා දෙන්න පුළුවන් දේ මොකක්ද? සොසේජස් දෙකක් බැද්දා, බත් එකට තිබ්බා. එහෙම නැත්තම් රෑට කඩෙන් ගෙනාපු සොසේජස්/ මීට් බෝල්ස් දාපු ෆ්‍රයිඩ් රයිස් එකක් දුන්නා. දරුවත් හරි ආසාවෙන් මේවා කනවා. "අම්මේ මට අරකම ඕන" කියලා අඬනකොට අපිටත් බැහැ කියන්න අමාරුයි. 


ඒත් අම්මේ, තාත්තේ... ඔයා මේ පොඩි බඩට යවන්නේ මොනවද කියලා ඇත්තටම දන්නවාද?


මේවා හුරතලේට "Processed Meat" කියලා හැඳින්වුවට ඇත්ත කතාව ඊට වඩා භයානකයි. 


1. මේක ඇත්තම "මස්" ද? 

අපි කඩෙන් මස් ගේනකොට හොඳ මස් කෑලි බලලා ගේනවානේ. ඒත් සොසේජස්, මීට් බෝල්ස් හදද්දී ගොඩක් වෙලාවට පාවිච්චි වෙන්නේ "Mechanically Separated Meat" කියන ක්‍රමය. ඒ කියන්නේ සත්තුන්ගේ ඉතුරු වෙන කෑලි, හම, කටු, නහර වගේ දේවල් අධික පීඩනයක් දීලා අඹරලා ගන්න පේස්ට් එකක්. මේක නිකන්ම නිකන් රෝස පාට තලපයක් විතරයි! 


2. ඇයි මේක පිළිකා කාරකයක් වෙන්නේ? 

ලෝක සෞඛ්‍ය සංවිධානය (WHO) මගින් සොසේජස්, හැම්, බේකන් වගේ සකසන ලද මස් වර්ග "කාණ්ඩ 1 පිළිකා කාරක" (Group 1 Carcinogen) ලෙස නම් කරලා තියෙනවා. 

ඒ කියන්නේ මේවා දුම්වැටි සහ මත්පැන් වගේම භයානකයි කියන එක. මේවායේ අඩංගු "නයිට්රේට්" (Nitrates) බඩට ගියාම පිළිකා සෛල හැදෙන්න ලොකු රුකුලක් දෙනවා.


3. ලුණු ගොඩක් - වකුගඩු ඉවරයි 

පොඩි සොසේජස් කරලක තියෙන ලුණු ප්‍රමාණය දරුවෙක්ට දවසකට අවශ්‍ය ප්‍රමාණයටත් වඩා වැඩි වෙන්න පුළුවන්. මෙය නොදැනුවත්වම අනාගතයේදී අධි රුධිර පීඩනය සහ වකුගඩු රෝග වලට අඩිතාලම දමනවා. 


4. කෘතීම රසයට ඇබ්බැහි වීම 

සොසේජස් වලට දාන MSG සහ රසකාරක නිසා දරුවාගේ දිව ඒ කෘතීම රසයට හුරු වෙනවා. ඊට පස්සේ අම්මා ගෙදර උයන ගුණදායක පරිප්පු එකයි, හාල්මැස්සෝ බැදුමයි දරුවට "රස නෑ" කියලා එපා වෙනවා. 


 දරුවා වෙනුවෙන් අපිට කළ හැකි ආදේශක:

*බිත්තරයක් තම්බලා දෙන්න. 


*ගෙදරම හදපු මස්/මාළු කැබැල්ලක් බැදලා දෙන්න. 


*කඩල, මුං ඇට වගේ ස්වභාවික දෙයක් පුරුදු කරන්න. 


ඔයාගේ දරුවාගේ සෞඛ්‍යය තියෙන්නේ ව්‍යාපාරිකයින්ගේ අතේ නෙවෙයි, අම්මා තාත්තා විදියට ඔයාලගේ අතේ. 


Source: weda mahatha FB page

උපුටාගැනීම අන්තර්ජාලයෙන්

Redirecting...

You will be redirected in:

60
5

Comments

Popular posts from this blog

බත් කෑවම සීනි හැදෙන්නේ නෑ.. ලෝකයේ ප්‍රකට පෝෂණවේදීන් හොයාගත්තු පුදුමාකාර කුස්සියේ රහසක්.

සෙම සදහා නිවසේදීම කල හැකි අත්‌බෙහෙත් 11ක්

දිනපතා විටමින් E කරලක් භාවිතා කළොත් පමණක් ඔබේ ශරීරයට ලබාගත හැකි විශ්මිත වාසි මෙන්න